Muke srpskog trenera, u napad poslao dva golmana

Osim po pet lakih golova koje su primili od Gvanžu Evergrandea, navijači Bejdžing Renea pamtiće današnji susret osmine finala kineskog kupa i po postavi svog tima jer su u napadu zaigrala dva golmana.

Desetkovan povredama i suspenzijama, trener Bejdžinga Aleksandar Stanojević jedva je sastavio tim za utakmicu te je prijavio čak tri golmana. Nevolje su počele u 43. minutu kada se pri rezultatu 1:0 povrijedio veznjak Sun Veize. Bez ikakvih drugih rješenja na klupi, Stanojević je u igru morao ubaciti drugog golmana Liu Penga kojeg je poslao u napad.

Bejdžing, s nekoliko juniora u timu, nije imao nikakve šanse protiv jakog Gvanžua koji je već u 67. minuti vodio 5:0 i malo spustio gas. U 87. minutu Stanojeviću se povrijedio još jedan igrač u polju pa je u igru, takođe u napad, morao staviti i trećeg golmana Li Čena.

Gvanžu Evergrande je trećeplasirani tim kineske Super lige, dok je Bejdžing predzadnji.

Be the first to comment

Leave a Reply

Your email address will not be published.


*